د جینوا دوه اړخیزه ځواب ورکولو چوکاټ لومړنۍ تطبیقي ناسته وشوه

Alireza Khaliqyar
یکشنبه ۱۳۹۷/۱۱/۱۴ - ۱۶:۳۶

https://mcit.gov.af/ps/%D8%AF-%D8%AC%DB%8C%D9%86%D9%88%D8%A7-%D8%AF%D9%88%D9%87-%D8%A7%DA%93%D8%AE%DB%8C%D8%B2%D9%87-%DA%81%D9%88%D8%A7%D8%A8-%D9%88%D8%B1%DA%A9%D9%88%D9%84%D9%88-%DA%86%D9%88%DA%A9%D8%A7%D9%BC-%D9%84%D9%88%D9%85%DA%93%D9%86%DB%8D-%D8%AA%D8%B7%D8%A8%DB%8C%D9%82%D9%8A-%D9%86%D8%A7%D8%B3%D8%AA%D9%87-%D9%88%D8%B4%D9%88%D9%87

د مخابراتو او معلوماتي ټکنالوجۍ وزیر محترم شهزاد آريوبي نن د ماليې وزارت په خیبر هال کې د جینوا کنفرانس تطبیقي شاخصونو لومړنۍ ناسته د ګډون تر څنګ يادونه وکړه چې د مخابراتو او معلوماتي ټکنالوجۍ وزارت په هر اړخیزه توګه د جینوا د ژمنو پلي کولو په پروسه کې همکاري کوي.

د دې ناستې د جوړېدو موخه د ۲۰۱۹- ۲۰۲۰ کلونو لپاره د جینوا دوه اړخیزه حساب ورکولو چوکاټ له سند سره سم د دولتي ادارو او د افغانستان نړیوالو پراختیایي همکارانو ترمنځ د ګډو ژمنو بیا شریکول، د همغږۍ لا پیاوړې کولو لپاره د لوړ پوړو چارواکو په کچه په اغېزمنه او ګټوره توګه د یادو ژمنو پلي کول او د مسؤلو برخو د ژمنو پلي کېدو پلان نهایي کول دي.

همدا راز محترم شهزاد آريوبي په دغه ناسته کې د مخابراتو او معلوماتي ټکنالوجۍ سکټور کې د خپلو عملي شوی چارو راپور د ګډونوالو سره شریک کړ.