د ایران د مخابراتو او معلوماتي ټکنالوجۍ وزیر سره د دوه اړخيزه همکاريو په اړه خبرې

Alireza Khaliqyar
جمعه ۱۳۹۷/۸/۱۱ - ۱۹:۳۰

https://mcit.gov.af/ps/%D8%AF-%D8%A7%DB%8C%D8%B1%D8%A7%D9%86-%D8%AF-%D9%85%D8%AE%D8%A7%D8%A8%D8%B1%D8%A7%D8%AA%D9%88-%D8%A7%D9%88-%D9%85%D8%B9%D9%84%D9%88%D9%85%D8%A7%D8%AA%D9%8A-%D9%BC%DA%A9%D9%86%D8%A7%D9%84%D9%88%D8%AC%DB%8D-%D9%88%D8%B2%DB%8C%D8%B1-%D8%B3%D8%B1%D9%87-%D8%AF-%D8%AF%D9%88%D9%87-%D8%A7%DA%93%D8%AE%D9%8A%D8%B2%D9%87-%D9%87%D9%85%DA%A9%D8%A7%D8%B1%D9%8A%D9%88-%D9%BE%D9%87-%D8%A7%DA%93%D9%87-%D8%AE%D8%A8%D8%B1%DB%90

د افغانستان د مخابراتو او معلوماتي ټکنالوجۍ وزیر محترم شهزاد آريوبي، د مخابراتو د نړېوالې اتحاديې د کنفرانس په څنده کې د ایران د مخابراتو او معلوماتي ټکنالوجۍ وزیر محترم محمد جواد آذری جهرمی سره ولیدل او د مخابراتو او معلوماتي ټکنالوجۍ د دوه اړخيزه همکاريو په اړه يې خبرې وکړې.

محترم آريوبي په دغه ناسته کې د خپل ایراني سيال سره د سيمه ييز اتصال په موخه د چابهار بندر له لارې د ایران او له هغې لارې د بحري کيبل( سبمرین کیبل) سره د افغانستان اتصال او همدا راز د معلوماتي ټکنالوجۍ په برخه کې د ایران او افغانستان تر منځ د دوه اړخیزه هوکړه لیک د عملي کېدلو په موادو خبرې او هوکړه وکړه.

دغه راز د ایران د مخابراتو او معلوماتي ټکنالوجۍ وزیر د افغانستان سره په بېلابېلو برخو کې د همکارۍ ژمنه وکړه او د افغانستان څخه يې د آی ټي يو د کونسل د ټاکنو په برخه کې د همکارۍ غوښتنه وکړه.

ددې تر څنګ يې د افغانستان د مخابراتو او معلوماتي ټکنالوجۍ له وزیر، محترم شهزاد آريوبي څخه ددغه هېواد د معلوماتي ټکنالوجۍ او آی سی ټي د زیربناوو د لیدنې په موخه د رسمي سفر غوښتنه هم وکړه.