د افغانستان – اتصالات مشرتابه د خلکو ستونزو رسيدګۍ ته ژمن دي
سهشنبه ۱۳۹۷/۱۲/۷ - ۱۱:۵۳
د مخابراتو او معلوماتي ټکنالوجۍ وزیر محترم شهزاد آريوبي نن په خپل کاري دفتر کې د افغانستان لپاره د اتصالات مخابراتي شرکت عمومي رئیس محترم يوسف السید او سرپرست اجرائيوي رئیس محترم عبید الزعابی سره د لیدنې تر څنګ د خنډونو له منځه وړلو، د خلکو ستونزو ته د رسيدګۍ، د مخابراتي خدماتو د نرخونو کمولو او رڼو او با کيفيته مخابراتي خدماتو د وړاندې کولو په اړه جدي تاکيد وکړ.
محترم آريوبي اړوندو مسؤولينو ته يادونه وکړه چې موږ د خصوصي سکټور د پانګونې لپاره مناسبه فضا رامنځته کړې او له تاسو هیله لرو چې په خدماتو کې تغیرات راشي، ستونزې او د کمزورۍ ټکي پیداکړي، د خلکو ستونزو ته رسيدګي وکړي او ژر تر ژره يې د حل په برخه کې ګامونه پورته کړي.
وروسته هغوی ټینګار وکړ چې چې د افغانستان او افغانانو سره ژمن دي او وعده يې وکړه چې ژر تر ژره به د خلکو ستونزو ته رسيدګي وکړي او د همدې پر اساس د تحلیل له مخې به په راتلونکي کې خپلې چارې سمې کړي.
خپلو ګرانو هېوادوالو سره ژمنه کوو چې ستاسو د قناعت حاصلېدو پورې د هیڅ ډول کوشش او هڅې څخه درېغ نه کوو او د کيفيت ښه کېدو، قیمتونه کمېدو او په مخابراتي خدماتو کې د روڼتيا تر تامين پورې له هرې ممکنې لارې استفاده کوو.
