د آنلاین پاسپورت غوښتنلیک په لنډ وخت کې پیل کیږي
د مخابراتو او معلوماتي ټکنالوجۍ وزارت د آسان خدمت ادارې مرستیال ښاغلي عبدالهادي ذهین د کورنیو چارو وزارت د پاسپورت مرکزي ریاست له رئیس ښاغلي مل پاسوال سید عمر صبور سره وکتل.
په دغه ناسته کې د آسان خدمت ادارې د تخنیکي څانګې مسوول ښاغلی عزیز رحمتي او د عامه خدمتونو د ساده سازۍ د برخې مسئول ښاغلي احمد نواز هم ګډون کړی وو.
په غونډه کې د آنلاین پاسپورټ غوښتنلیکونو د ستونزو او ننګونو او د حل لارو په اړه خبرې اترې وشوې او همداراز ددې پروسې د پلي کیدو لپاره چمتووالی وښودل شو.
د دې ملي پروګرام د پرانستلو د همغږۍ په موخه، د آسان خدمت د ادارې د عامه اړیکو د رئیس ښاغلي سید حامد منصور په مشرۍ د کورنیو چارو وزارت او د پاسپورټ ریاست د استازو په شمول د اتو غړو کمیسیون جوړ شو.
