د آذربايجان د کرنې وزیر سره د لوړ پوړي افغان پلاوي لیدنه
Alireza Khaliqyar
شنبه ۱۳۹۷/۱۰/۲۲ - ۱۴:۵
شنبه ۱۳۹۷/۱۰/۲۲ - ۱۴:۵
د ماليې وزارت سرپرست او د زیربناو په چارو کې د جمهور رئیس ستر سلاکار ښاغلي ډاکټر محمد همايون قيومي او د مخابراتو او معلوماتي ټکنالوجۍ وزیر ښاغلي شهزاد آريوبي د آذربايجان د کرنې وزیر محترم انعام کریموف سره ولیدل.
افغان پلاوي په دې لیدنه کې د کرنې، کرنیزو محصولاتو صادراتو او وارداتو، د e-agriculture سټراټيژۍ پراختيا او د امکان په صورت کې په افغانستان کې پر عملي کېدو بحث او خبرې وکړې.
د آذربايجان د کرنې وزیر چې پخوا يې د دغه هېواد د آسان خدمت د رئیس په توګه دنده تر سره کړې او د افغانستان دولت سره يې په ځانګړې توګه د عامه خدماتو د پروسو د ساده کولو په برخه کې ډېرې مرستې کړي، ډاډ را کړ چې د الکټرونيکي کرنې (د کرنيزو چارو لپاره د الکټرونيکي وسایلو څخه ګټه اخیستنه) په برخه کې به يې هم همکارۍ اغېزمنې وي.
