دمخابراتو او معلوماتی ټکنالوجۍ وزارت سره د (۹) عراده موټرو مرسته
د مخابراتو او معلوماتي ټکنالوجۍ وزارت سره د نړیوالوځواکونو د کمک او همکاری ډلې (ایساف) له خوا د (۹) عراده پستي موټرو مرسته د پستې مراسلاتو د لیږد را لیږد په برخه کې وشوه.
په هغه غونده کې چې په همدې اړوند د مخابراتو او معلوماتی ټکنالوجۍ وزارت په انګړ کې جوړه شوي وه ښاغلی انجنیر امیرزی سنګین دمخابراتو او معلوماتي ټکنالوجۍ سرپرست وزیر د ایساف نړیوالو ځواکونو مرستیال ښاغلی تورن جنرال ( Richard Rossmanith ) د مخابراتو او معلوماتي ټکنالوجۍ رهبري هیئت ،مرکزی رئیسانو او د رسنیو استازو ګډون کړی ؤ.
د غونډې په پيل کې ښاغلی انجنیر امیرزی سنګین د نړیوالو ځواکونو ( ایساف ) له مرستو څخه مننه وکړه او زیاته يې کړه: د ذکر شویو موټرو په راتګ سره به د دولت په عوایدو کې زیاتوالی راشي، همدارنګه د یادوموټرو څخه به د پستی مراسلاتو د لیږد را لیږد په برخه کې ګټه واخیستل شي. دغه شان به د پستي خدمتونو په برخه کې زموږ ګرانو هیواد والوته لا نورې آسانتیاوی برابري شي. پستي خدمتونه په هیواد کې ډیر مهم او د ارزښت وړبلل کیږي چې اوس مهال په هیواد کې د ولسوالیو په کچه ۴۶۵ پسته خونې شتون لري چې په تیرو ۱۰ کلونو کې د پسته خونو په بیا رغونه ، عصری کولو اود ذکرشویو پسته خونو په کار کې مؤثریت راغلی دی.
وروسته بیا د نړیوالو ځواکونو ( ایساف) مرستیال ښاغلی تورن جنرال ( Richard Rossmanith) خبرې وکړی او د مخابراتو او معلوماتي ټکنالوجۍ وزارت سره يي د نورو مرستو ژمنه وکړه.
