دسلام شبکې فعالیتونه او ستونزې
ډېرو ګرانو هېوادوالو! ستاسو له علاقه مندۍ څخه مننه کوم چې د سلام شبکې د خدمتونو او ستونزو په هکله مو له ما سره خپل معلومات او انديښنې شریکې کړې.
غواړم د سلام شبکې په اړه لنډ معلومات وړاندې کړم!
په دې کم وخت کې د سلام شبکې د GSM او G3 خدمتونو مشتریان ۶۵۰،۰۰۰ شپږ لکه او پنځوس زره ته رسیدلي دي او ورځ تربلې یې شمیر زیاتیږي.
خو په دې برخه کې ستونزې هم موجودې دي: لکه څرنګه چې تاسو پوهیږی دغه شبکه نوې ده طبیعي ده ترڅو چې په پښو دریږي؛ لکه څرنګه چې ځینو هېوادوالو په دې برخه کې اندیښنې درلودې د انټرنټ د سرعت او د ټلیفون آنتن په برخه کې ستونزې موجودې دي.
د دغه ستونزو د حل په موخه یوه میاشت مخکې د سلام شبکې د خدمتونو د لا پراختیا لپاره قرار داد شوی دی، اوس مهال د سلام شبکې ۳۹۱ مخابراتي آنتنونه فعال دي او په ۷۰۰ نورو کار روان دی همدارنګه د TDF صندوق په مرسته د هېواد لیرو پرتو محرومو سیمو ته ۱۴۵ په یوه پړاو کې او ۱۸۸ مخابراتي آنتنونه په بل پړاو کې چې ټولټال ۱۴۲۴ کیږي، تر پلان لاندې دي.
د یادو مخابراتي آنتونونو د نصف، فعالیدو او ۱۰۰ ملیون ډالرو نورې پانګونې په صورت کې به سلام مخابراتي شبکه د خدمتونو تر ټولو ښه پوښښ ولري اود خدمتونو کیفیت به یې په فوق العاده ډول ښه شي.
