خوست ولایت د مخابراتو او معلوماتي ټکنالوجۍ ریاست د کمپیوټر ښوونیز مرکز څخه ۶۵ تنه فارغ شول
د خوست ولايت مخابراتو او معلوماتي ټکنالوجۍ رياست له لوري د کمپيوټري پروګرامونو (مایکروسافټ آفیس، وینډوز او انټرنیټ) په برخه کې، یوڅلوښتمې دورې له شپږ مياشتنيو زده کړو وروسته ۶۵ تنو زده کوونکو ته چې په دې ډلې کې محصلین، د ښوونځیو زدکوونکې او د بیلابیلو دولتي ادارو کارکوونکې شامل وو بري ليکونه وويشل شول.
په هغه غونډه کې چې په همدې مناسبت جوړه شوې وه د خوست ولایت دمخابراتو اومعلوماتی ټکنالوجۍ محترم ریس مولوي محمد اسحاق نظامي، محترم مولوی محمد الیاس نظامي، د خوست امربالمعروف ریاست رئیس شرف الدین نقره کار، د نوموړي ریاست اترا ادارې مسئول، دافغان پُست مدیر، د مخابراتو ریاست د معلوماتي ټکنالوجۍ آی ټي عمومي مدیر او یو شمېر قومي مخوروګډون کړی وو.
د مخابراتو او معلوماتي ټکنالوجۍ رئیس فارغ شویو ځوانانو ته د مبارکۍ ویلو ترڅنګ په اوسني عصر کې د معلوماتي ټکنالوجۍ په ارزښت او اړتیا خبرې وکړې او ځوانان یې و هڅول چې د موجوده فرصت څخه د معلوماتي ټکنالوجۍ په برخه کې خپلې پوهې د پراختیا لپاره پوره ګټه واخلي.
د مخابراتو او معلوماتي ټکنالوجۍ وزارت د اوسني عصر اړتیا او د ټکنالوجۍ ارزښت ته په کتو د هېواد په ټولو ولایتونو کې د کمپیوټر د زدهکړې علمي مرکزونه جوړ او د ټکنالوجۍ په پرمختللو وسایلو سمبال کړي چې د مجربو ښوونکو له لوري هېوادوالو ته پکې په علمي او عملي ډول تدریس کېږي.
