بغلان ولایت کې د پوستي خدمتونو د فعالیتونو د څرنګوالي څخه څارنه تر سره شوه

د مخابراتو او معلوماتي ټکنالوجۍ وزارت د لارښوونې سره سم، په بغلان ولایت کې د پوستي خدمتونو مارکیټ (کارګو شرکتونو او سیاحتي شرکتونو) فعالیتونه د مخابراتو او معلوماتي ټکنالوجۍ وزارت د پستي خدمتون تنظیم ادارې  (APRA) لخوا د بغلان ولایت د مخابراتو او معلوماتي ټکنالوجۍ ریاست سره همغږي څارنه ترسره شوه.

د دې څارنې او څېړنې په ترڅ کې له ۶ هغو شرکتونو څخه چې له پوستي جواز پرته یې خدمتونه وړاندې کول، لیکلي ژمنه ترلاسه شوه چې له جواز پرته به د فعالیت له تکرار څخه ډډه کوي. همداراز ټولو پستي خدمتونو شرکتونو ته لارښوونه وشوه چې خپل ټول فعالیتونه د مخابراتو او معلوماتي ټکنالوجۍ وزارت د آپرا ادارې د طرزالعمل، د اړوند شرکت د اصولو او اساسنامې سره سم ترسره کړي او له اجازې پرته په غیر قانوني ډول د خدمتونو له وړاندې کولو څخه ځان وساتي،  د سرغړونې په صورت کې به ورسره قانوني چلند وشي.

دغه راز د دې څارنې په ترڅ کې د پوستي خدمتونو د تنظیم ادارې ( اوپرا ) د پلاوي لخوا یو پریزنټیشن وړاندې شو چې د یادو شرکتونو استازو او د بغلان ولایت د مخابراتو ریاست کارکوونکو ته د پستي شرکتونو او کارګو د کاري مسیر په اړه معلومات ورکړل شول.

د یادولو وړ ده چې د یادو شرکتونو استازو ژمنه وکړه چې د آپرا ادارې له طرزالعمل څخه به سرغړونه نه کوي او خپل ټول فعالیتونه به د اصولو او قوانینو مطابق ترسره کوي.