بامیانو ولایت کې د ایکسپو نړیوال پوسټي شرکت نمایندګي پرانیستل شوه
د مخابراتو او معلوماتي ټکنالوجۍ وزارت د مقام د لارښوونې سره سم د نړیوالو پوسټي خدمتونو ایکسپو شرکت نمایندګي د یو لړ رسمي مراسمو په ترڅ کې د بامیانو ولایت د مخابراتو او معلوماتي ټکنالوجۍ د رئیس او یو شمیر مسؤلینو په حضور کې پرانیستل شوه.
د باميانو ولايت د مخابراتو او معلوماتي ټکنالوجۍ ریيس د دغه شرکت د فعاليت په اړه چې مخکې يې د پوسټي خدمتونو د تنظيم ادارې (اپرا) جواز ترلاسه کړى دى وويل: د پوسټي خدمتونو شرکتونه مکلف دي چې د یاد رياست د قانون او کړنلارې له مخې فعاليت ترسره کړي او د پوسټي خدمتونو په برخه کې هېوادوالو ته آسانتیاوې رامنځ ته کړي.
د یادولو وړ ده؛ په دې مراسمو کې د بامیانو ولایت اوسېدونکو د مخابراتو او معلوماتي ټکنالوجۍ وزارت د دغه اقدام ستاینه وکړه او د دغه ولایت د مخابراتو او معلوماتي ټکنالوجۍ ریاست د کړنو ستاینه یې وکړه د دوی په وینا پوسټي خدمتونه به وکولای شي یاد ولایت کې د خلکو توکي او مراسلات په مصئون او محرم ډول انتقال کړي او د دوی په مصارفو کې به هم صرفه جويي شوي وي
