دایکنډي ولایت په یوشمیر ولسوالیو کې د سلام مخابراتي شبکې ۳ سایټونو له رغنیزو چارو څخه څارنه ترسره شوه
دایکنډي ولایت د مخابراتو او معلوماتي ټکنالوجۍ ریاست او مخابراتو او معلوماتي ټکنالوجۍ وزارت اترا ادارې ګډ تخنیکي ټیم له لوري د یاد ولایت شهرستان، میرامور او اشترلۍ ولسوالیو کې د سلام مخابراتي شبکې ۳ مخابراتي سایټونو د رغنیزو چارو له بهیر څخه څارنه ترسره شوه.
د دې څارنې په ترڅ کې اړوند قراردادي شرکت ته سپارښتنی وشوی چې یاد مخابراتي سایټونه د قرارداد د شرایطو سره سم په معیاري ډول بشپړ کړي.
د مخابراتو او معلوماتي ټکنالوجۍ وزارت ولایتي ریاستونه او نظارتي ټیمونه وخت په وخت د هېواد په ټولو برخو کې له مخابراتي چوپړ او د نویو مخابراتي سایټونو له جوړېدو څارنه ترسره کوي څو د خدماتو په وړاندې کولو او د نویو مخابراتي آنټنونو جوړولو کې خنډ او ځنډ رامنځته نه شي.
