مخابراتو او معلوماتي ټکنالوجۍ وزارت وزیر د چین هېواد انټرنټ نړیوال کنفرانس کې د ټکنالوجۍ نندارتون د بېلابېلو برخو څخه لیدنه ؤکړه
د مخابراتو او معلوماتي ټکنالوجۍ وزارت وزیر ښاغلي الحاج مولوي نجیب الله حیات حقاني او مل پلاوي چې د انټرنټ نړیوال کنفرانس کې یې ګډون کړی و د کنفرانس په دریمه ورځ یې د ټکنالوجۍ اړوند نندارتون څخه چې د بېلابېلو هېوادونو وزیرانو ګډون کړی و لیدنه ؤکړه او د کوربه هېواد مل استازو له لوري ورته د اړونده وسایلو، تجهیزاتو او ټکنالوجیکي وسایلو معلومات ورکړل شؤل.
دغه نندارتون چې د چین اوژن ښار کې په لار اچول شؤی و د ټکنالوجۍ اړوند بیلابېلې برخې نندارې ته ايښودل شؤې ؤې .
د مخابراتو او معلوماتي ټکنالوجۍ وزارت وزیر ښاغلي مولوي نجیب الله حیات حقاني د روان میلادي کال د نومبر میاشتې په ۱۹مه نېټه د چین هېواد په رسمي بلنه د انټرنټ نړیوال کنفرانس کې یې ګډون کړی چې د نومبر میاشتې په شلمه نېټه یې د یاد کنفرانس د غړو هېوادونو وزیرانو په کچه ناستې ته خپله وینا هم ؤاروؤله، ښاغلي وزیر صاحب په ټوله کې پر انټرنټ، اوسني عصر کې د ټکنالوجۍ پر ارزښت، مخ پر ودې هېوادونو سره د ټکنالوجۍ او زیربناو ته د لاسرسي په موخه د پرمختللو هېوادونو همکاري، د مصنوعي ځیرکتیا په سالمې ګټې اخیستنې او د شاته پاتې هېوادونو د ډیجیټل انزوايي حالت څخه پر وتلو ټینګار ؤکړ.
د انټرنټ نړیوال کنفرانس چې د چین هېواد اوژن ښار کې د روان میلادي کال له ۱۹مې نېټې پیل شوی د نومبر میاشتې تر ۲۲مې نېټې پورې به دوام کؤي.
