د مخابراتو او معلوماتي ټکنالوجۍ وزیر د کابل ښاروالۍ د ښاري خدماتو له مرستیال سره لیدنه وکړه

د مخابراتو او معلوماتي ټکنالوجۍ وزیر ښاغلي الحاج مولوي نجیب الله حیات حقاني د کابل ښاروالۍ د ښاري خدمتونو له مرستیال ښاغلي مولوي محمد خالد سره د ښاروالۍ د بیلابیلو برخو لپاره د سیسټمونو پر جوړولو خبرې وکړې.

د کابل ښاروالۍ د ښاري خدمتونو مرستیال ښاغلي مولوي محمد خالد د مخابراتو او معلوماتي ټکنالوجۍ وزارت له رهبرۍ مننه وکړه چې اوسمهال یې افغانستان کې د ډیجیټل حکومتولۍ په برخه کې ګړندي ګامونه اخیستي چې د دولتي ادارو لپاره یې په چارو کې د آسانتیا  په موخه یو شمیر سیټمونه جوړکړي.

ښاغلي خالد زیاته کړه چې کابل ښاروالۍ د هېواد یو له هغو امارتي ادارو څخه ده چې ولسونو سره یې کاري ارتباط ډېر دی نو په همدې موخه د مخابراتو او معلوماتي ټکنالوجۍ وزارت څخه یې د استملاک، دجواز صادرولو، او املاکو په برخه کې د سیسټمونو جوړولو غوښتنه وکړه چې  د کابل ښاروالۍ د چارو په ګړندیتوب کې مهم لوبوي .

دغې ناسته کې د مخابراتو او معلوماتي ټکنالوجۍ وزیر ښاغلي مولوي نجیب الله حیات حقاني افغانستان کې پر الکټرونیکي حکومتولۍ رڼا واچوله او همدا راز ټکنالوجي یې د اوسني عصر مهمه برخه یاده کړه، د ښاغلي وزیر صاحب په وینا د مخابراتو او معلوماتي ټکنالوجۍ وزارت هڅه کوي په افغانستان کې د عصري ټکنالوجۍ پر مټ په دولتي چارو کې سهولتونه رامنځته کړي.

د مخابراتو او معلوماتي ټکنالوجۍ وزیر ښاغلي مولوي نجیب الله حیات حقاني په وینا اوسمهال د افغانستان د ټولو امارتي ادارو د سیسټمونو سروې سر ته رسېدلې او هڅه شوې چې د وزارتونو اویو شمیر ادارو چارې په عصري ټکنالوجۍ سمبال کړي چې د مخابراتو او معلوماتي ټکنالوجۍ وزارت تخنیکي ټیمونه دمګړی د هېواد په ډېری دولتي برخو کې د سیسټمونو په جوړولو بوخت دي.

د ښاغلی وزیرصاحب په وینا کابل ښاروالۍ چې تر ډېره  د کابل ښاریانو لپاره خدماتي چارې سر ته رسوي نوموړو سیسټمونو ته اړتیا لري او د مخابراتو او معلوماتي ټکنالوجۍ وزارت به یاد سیسټمونه کابل ښاروالۍ لپاره چمتو کړي او د دوی د چارو د ښه پر مخ بیولو په موخه به یې ور وسپاري.