د مخابراتو او معلوماتي ټکنالوجۍ وزارت کارکوونکو لپاره د کرونا ضد واکسین د پلي کیدو دویم پړاو
![wakcen](/sites/default/files/2021-06/wakcen1.jpg)
د کرونا ضد واکسین دویم پړاو د مخابراتو او معلوماتي ټکنالوجۍ کارکوونکو د روغتیا ساتنې په هدف د عامې روغتیا وزارت د صحي ټیم لخوا په پراخه توګه پلی شو.
د دغه چینایي ډوله واکسین تطبیق د کرونا د دریمې څپې زیاتوالي په پام کې نیولو سره د مهال ویش مطابق ټول داوطلب کارمندان تر پوښښ لاندې نیسي.
د مخابراتو او معلوماتي ټکنالوجۍ وزارت د عامې روغتیا وزارت د هڅو څخه د قدردانۍ تر څنګ د وزارت د کارمندانو د خوندیتوب او ساتنې لپاره لازم احتیاطي تدابیر او اقدامات په پام کې لري او تل یې کارکوونکو ته د روغتیایي پروتوکول رعایت کولو په اړه اړینې سپارښتنې کړي دي.