د اطلاع رسونې په برخه کې د وزرت کړنې
د مخابراتو او معلوماتي ټکنالوجۍ وزارت د رسنیو آمریت ، د دې وزارت د فعالیتونو، لاسته راوړنو ، په وزارت کې د ترسره شوي اهدافو ، او ټولو فعالیتونو په اړه د ویب پا ڼې ، فیسبوک ، ټویټر ، انسټاګرام ، ویدیویي، آدیو، چاپي میډیا او مطبوعاتي کنفرانسونو له لارې هیوادوالو خبرتیا لپاره فعالیتونه ترسره کړي او د ۱۳۹۹ مالي کال په جریان کې ، لاندې لاسته راوړنې لري.
_د شاوخوا ۶۰۰ خبري مطالبو ، راپورونو ، مطبوعاتي اعلامیو ، خبري او معلوماتي انځورونو او ویډیوګانو چمتو کول او خپرول.
_معلوماتو ته د آنلاین لاسرسي سیسټم له لارې ۱۲ موارده معلومات ورکړل شوي دي .
_معلوماتو ته د لاسرسي فورمې غوښتونکو ته په حضوري ډول ویشل شوې دي او د دوی شکایتونو ته رسیده ګي شوېده.
_اطلاعاتو ته د لاسرسي کمیسیون ۴۴ شاخصونه ۱۰۰٪ پلي شوي دي.
_کاري پلانونه او پروګرامونه ، لاسته راوړنې او د پراختیايي پروژو د کار پرمختګ په ربعوار ډول د مرکز او ولایتونو په تفکیک سره د وزارت په ویب پا ڼه کې خپاره شوي دي.
_ځانګړې مرکې او غونډې چې په بیلابیلو برخو کې تر سره شوې دې د وزارت ویب پا ڼې او نورو مجازی وسیلو له لارې خپاره شوي دي.
_د ملي پورټال پراختیا سروې تر سره شوې ده.
