راتلونکي تعليمي کال کې د ښوونځيو د اتصال پروګرام پېلېږي
Alireza Khaliqyar
دوشنبه ۱۳۹۷/۹/۱۹ - ۱۶:۳۲
دوشنبه ۱۳۹۷/۹/۱۹ - ۱۶:۳۲
د مخابراتو او معلوماتي ټکنالوجۍ وزیر محترم شهزاد آريوبي د پوهنې سرپرست وزیر ډاکټر محمد میرویس بلخي او د مخابراتي خدمتونو د تنظیم ادارې (اترا) د رییس نجیب عزیزي سره په ګډه ناسته کې د انټرنېټ له لارې د ښوونځيو د اتصال د پروګرام په اړه خبرې وکړې.
د پوهنتې وزارت غواړي، راتلونکي تعليمي کال ته د انټرنېټ له لارې د هېواد ښوونځي او يو شمېر نړيوال ښوونځي سره وصل کړي چې له مخې يې زده کوونکو ته د معياري او عصري زده کړو زمينه برابره شي.
د یادولو وړ ده، چې د ښوونځيو د اتصال پروګرام څخه موخه، د کورنیو او نړیوالو ښوونځيو ترمنځ د اړیکو د پیاوړتیا او د هېواد د ښوونیز نظام د ودې او پراختیا لپاره پلی کېږي چې له مخې به يې د ښوونځيو د زده کوونکو لپاره له نويو مېتودونو او لارو چارو د زده کړو لپاره ګټه اخیستل کېږي.
