په دغو مراسمو کې د چارو د ادارې لوی رئيس ښاغلي داود نورزي، په مطبوعاتي چارو کې د ولسمشر سلاکار ډاکټر نبي مصداق، د مخابراتو پخوانی وزير ښاغلی اميرزی سنګين، د ننګرهار والي ګلاب منګل، د هلمند والي حيات الله حيات، د کار او ټولنيزو چارو پخوانۍ وزيرې اغلې نسرين اورياخېل، د ولسي جرګي وکيلانو او مشرانو جرګې استازو، د وزارت رهبري هئيت غړو، د مدني ټولنو او رسنيو استازو ګډون کړی و.
د غونډې په پيل کې تخنيکي معين سيد احمد شاه سادات ګډونوالو ته هرکلی ووايه او د وزارت د تېرو شپږو مياشتو په لاسته راوړنو يې رڼا واچوله. ورپسې د ولسمشر سلاکار ډاکټر نبي مصداق د سرپرست وزير د تقرر په اړه د ولسمشر حکم ولوست. د ولسمشر دوهم مرستيال جلالتمآب سرور دانش د اقتصادي رشد، اليکترونکي حکومتولۍ او پرمختګ لپاره مخابراتي شکتور اړين وباله او په دې اړه يې د حکومت تعهد څرګند کړ. نوي سرپرست وزير ښاغلي شهزاد اريوبي د وزارت په اوسني وضعيت، په خپلو راتلونکو پلانونو او د اصلاحاتو په راوستو کې د خپلې ژمنتيا څرګندونه وکړه.