پکتیکا ولایت کې اترا ادارې په مالي لګښت د لسمې پروژې ۲۷ مخابراتي سایټونو رغنیزې چارې سر ته رسېدلي چې له ډلې یې ۸ ګتې اخیستنې ته سپارل شوي او پاتې مخابراتي سایټونه به هم لنډو ورځو کې ګټې اخیستنې ته وسپارل شي
د مخابراتو او معلوماتي ټکنالوجۍ وزارت اترا ادارې د لسمې پروژې ۲۷ سایټونه چې د پکتیکا ولایت محرومو سیمو ته پلان شوي وو له جوړېدو وروسته ګټې اخیستنې ته وسپارل شول، یاد مخابراتي سایټونه د پکتیکا ولایت هغو سیمو کې رغول شوي چې تر دې دمه یې هیڅ راز مخابراتي آسانتیاوې نه درلودلې
د یادو ۲۷ مخابراتي سایټونو له ډلې اته مخابراتي سایټونه اوس مهال پۀ زېړوک، نکه، ارګون، اومنه، يحيي خېل او شخيل آباد ولسواليو کې فعال شوي دي او د پاتې ۱۹ مخابراتي سایټونو فعالیت به هم لنډو ورځو کې پیل شي چې ورسره به د پکتیکا ولایت ډیری هغه سیمې چې له مخابراتي خدمتونو بې برخې وې له مکالماتي او انټرنټي خدمتونو برخمنې شي.
د يادؤنې وړ ده چې د ټي ډي ایف د لسمې پروژې ۲۷ سايټونه د پکتيکا ولايت پۀ ټولو ۲۴ ولسواليو کې د پلان له مخې د فعالېدو په حال کې دي .
