پکتیا ولایت مخابراتو او معلوماتي ټکنالوجۍ ریاست کمپیوټر ښوونیز مرکز کې د ۲۱مې دورې لپاره د زدکوونکو د جذب په موخه آزموینه واخیستل شوه

پکتیا ولایت مخابراتو او معلوماتي ټکنالوجۍ ریاست کمپیوټر ښوونیز مرکز کې د یویشتمې دورې لپاره د کمپیوټر اړوند زدکړو د حاصلولو په موخه له ۳۵۰ تنو څخه چې په دې ډله کې دولتي مامورینو، د ښونځیو زدکوونکو او محصلینو شامل وو آزموینه واخیستل شوه چې له آزموینې وروسته به بریالي کسان یادې دورې ته جذب شي.

د یادونې وړده چې د ولایتونو د مخابراتو او معلوماتي ټکنالوجۍ د کمپیوټر ښوونیزو مرکزونو کې ګډونوالو ته د شپږ میاشتو په موده کې د مایکرو سافټ آفیس او انټرنیټ برخو کې د مجربو استادانو له لوري په نظري او عملي بڼه زده کړه ورکول کېږي، چې له فراغت وروسته کولای شي په دې برخه کې خپلې ستونزې په دولتي او غیر دولتي ادارو کې حل کړي.