په آذربایجان کې کاسپین د نواورۍ کنفرانس کې وېنا
چهارشنبه ۱۳۹۷/۹/۱۴ - ۱۴:۰
د مخابراتو او معلوماتي ټکنالوجۍ وزیر محترم شهزاد آريوبي، د آذربايجان په باکو کې د کاسپین د نواورۍ کنفرانس(Digital Connectivity for Sustainable Development) کې ګډونوالو ته د وېنا تر څنګ په افغانستان کې په وروستيو کې د مخابراتي سکټور د پراختيا، د خدماتو د کېفيت او خلکو ته د کارځای پیدا کولو په اړه خبرې وکړې.
محترم آريوبي د وېنا په ترڅ کې د ګاونډیو هېوادونو سره د افغانستان د اړيکو، د نوري فايبر شبکې پر راتلونکو فعالیتونو او پلانونو، د سويلي او مرکزي اسيا ترمنځ د افغانستان پر ارزښت او همدا راز د چين سره د نوري فايبر شبکې پر پراختيا معلومات ورکړل.
همدا راز د مخابراتو وزیر د انټرنېټي خدماتو د بیو کمولو، د ښوونځيو، پوهنتونونو، روغتونونو او آن ټولو مسکوني ځایونو ته د نوري فايبر پر پراختيا او په انلاين توګه د پېر او پلور د کلتور پراخېدو په اړه خپل پلانونو د ګډونوالو سره شریک کړل.
بې له شکه چې د مخابراتو او معلوماتي ټکنالوجۍ وزارت دغه پلانونه جوړ کړي، خو د عملي کېدو لپاره يې سيمه ييزې همکارۍ ته اړتيا ده چې لا هم پراخه او د افغانستان سره په دې برخه کې همکاري وکړي.
