پنجشیر ولایت کې د روشن مخابراتي شبکې د پنځو مخابراتي سایټونو څخه څارنه وشوه

د پنجشیر ولایت د مخابراتو او معلوماتي ټکنالوجۍ ریاست او د مخابراتي خدمتونو د تنظیم ادارې (اترا) ګډ تخنیکي ټیم له لوري، د یاد ولایت مرکز بازارک ښار او پریان، آبشار، عنابې او رخې ولسوالیو کې د روشن مخابراتي شرکت پنځو سایټونو څخه څارنه ترسره شوه.

د مخابراتو او معلوماتي ټکنالوجۍ وزارت ولایتي ریاستونه او نظارتي ټیمونه وخت په وخت د هېواد په ټولو برخو کې له مخابراتي چوپړ او د نویو مخابراتي سایټونو له جوړېدو څارنه ترسره کوي څو د خدماتو په وړاندې کولو او د نویو مخابراتي آنټنونو جوړولو کې خنډ او ځنډ رامنځته نه شي.