معصومې خاوري د مشرانو جرګې په عمومي غونډه کې ګډون وکړ او د جرګې پوښتنو ته یې ځوابونه وویل

د مخابراتو او معلوماتي ټکنالوجۍ وزیرې  معصومې خاوري د سې شنبې په ورځ د مشرانو جرګې په عمومي غونډه کې د معلوماتو ورکولو او ځینو پوښتنو ته د ځواب ویلو لپاره برخه واخیسته.  
په دې غونډې کې، آغلې خاوري د مخابراتو او معلوماتي ټکنالوجۍ وزارت د مسؤلیتونو او دندو اړوند مسلو په باره کې اړین معلومات وړاندې کړل.
په غونډه کې د بحث شوي موضوعاتو څخه یوه د مخابراتي خدمتونو لس سلنه محصول راټولول و. 
 اغلې خاوري څرګنده چې تر اوسمهاله د مخابراتي خدمتونو له لس سلنه محصول څخه شاوخوا ۲۴ ملیارده افغانۍ عاید ترلاسه شوي دي.
اغلې خاوري پخپله وینا کې روښانه کړه چې د مخابراتو او معلوماتي ټکنالوجۍ وزارت د ریل ټایم سیستم تخنیکي مدیریت کې دخیل نه دی، ځکه چې دا سیسټم د رامینځته کیدو څخه میاشتې وروسته د اترا ادارې  ته لیږدول شوی، او اوس مهال د مخابراتو او معلوماتي ټکنالوجۍ وزارت د دې سیسټم د کیفیت یا موثریت په اړه مسؤلیت نلري.

د مخابراتو وزیرې همداراز تصریح کړه چې د مخابراتي خدمتونو ۱۰٪ محصول راټولولو کې د مخابراتو او معلوماتي ټکنالوجۍ وزارت رول یوازې د مخابراتي شرکتونو راپور سره سم د دې محصول د تحویلي تعرفو چمتو او تنظیم کول دی او دا عواید په  مستقیم ډول د دولت حساب ته لیږدول کیږي.
په پای کې  دا باید څرګنده شي چې د مخابراتو او معلوماتي ټکنالوجۍ وزارت مشرتابه د خپلو دندو او مسؤلیتونو په چوکاټ کې به خپلې دندې په جديت ترسره کوي او د رو ڼتیا او حساب ورکولو اصولو ته په جدي ډول ژمن دی.