معصومه خاوري: د پایدارو موخو سره دیجیتل کاسا پروژه باید سیمهاییز اتصال لپاره زمینه برابره کړي
په هغه ناسته کې چې د مخابراتو او معلوماتي ټکنالوجۍ وزیرې معصومه خاوري په مشری او د کاسا ډیجیټل پروژې مسؤلینو په ګډون د دې پروژې تخنیکي ارزونې په موخه جوړه شوې وه، د پروژې ګړندي کولو او موخو ته د رسیدو په اړه خبرې وشوې.
د پروژې د چارواکو د راپور اوریدو وروسته، آغلې خاوري ټینګار وکړ چې دا پروژه د نړیوال بانک یوه مهمه پروژه ده چې د افغانستان ډیجیټل کولو لپاره مناسبو فرصتونو په برابرولو کې مرسته کوي او د ژینوا کنفرانس کې نړیوالې ټولنې سره د افغانستان لخوا د شویو ژمنو سره سم، اړینه ده چې دا پروژه په ګړندي او مؤثره توګه پلې شي.
پدې ناسته کې، ټینګار وشو چې د دې پروژې چارواکي د اړوندو پلانونو او ستراتیژیو سره په مطابقت کې چې د لار نقشې په توګه کار کوي او په ځانګړي توګه د ادارو د نښلولو او ډیجیټل کولو لپاره اهم بنسټ جوړوي، په بریالیتوب سره پلي کړي او د بیلابیلو مرحلو راپور دې د وزارت رهبري سره شریک کړي.
