مخابراتو وزارت د ۱۳۹۷ کال کاري راپور د رسنیو سره شریک کړ
سهشنبه ۱۳۹۷/۱۲/۷ - ۱۱:۴۰
د مخابراتو او معلوماتي ټکنالوجۍ وزارت وزیر ښاغلي شهزاد اریوبي د یوې ناستې پر مهال ددغه وزارت د ۱۳۹۷ کال لاسته راوړنې او شوي پرمختګونه ژورنالستانو، د رسنیو له استازو او معلوماتو د لاس رسي کمیسيون د غړیو سره شریک کړل
په ناسته کې د مخابراتو او معلوماتي ټکنالوجۍ وزیر ښاغلي شهزاد اریوبي وویل مخابراتو وزارت رهبری او کارکوونکي د خپلو هڅو او ښو خدمتونو له امله توانیدلي چې داخلي او خارجي پانګوالو له پاره د پانګې اچونې په موخه زمینه برابره کړي، چې ښه بیلګه يې د الکوزي شرکت له لوري د مخابراتو په سکتور کې د ۳۰۰ میلوینه پانګه اچونه ده.
.ښاغلي اریوبي زیاته کړه چې د مخابراتو او معلوماتي ټکنالوجۍ په برخه کې د بیلابیلو هېوادونو (چین، ایران، ازبکستان، ازربایجان) هوکړه لیکونه لاسلیک کړي چې له امله يې د انټرنیټ کیفیبت ښه شوی او په بیو کې يې ټيټوالی راغلی دی.
ښاغلي اریوبي وویل مخابراتو وزارت د الکترونیکي حکومتوالی د ترویج، عواید لوړوالي، د موبایل له لارې د معاشونو د ورکړې، د حکومتي پروسو د ساده کول، خلکوته د کار پیدا کولو، او په نورو برخو کې سترې لاسته راوړنې لري.
د اریوبي په وینا چې دا مهال د هېواد ۲۵ ولایتونه د فایبر نوري شبکې سره وصل شوي او او دير ژر به پاتې نور ولایتونه هم ددغه شبکې سره وتړل شي او خلک به د يو خوندي او چټک انټرنيټ څخه برخمن شي.
د مخابراتو وزیر زیاته کړه که څه هم سږ کال د تیرو کلونو په پرتله زیاتې لاسته راوړنې لري خو بسنه نه کوي او موږ په دې هڅه کې یو چې خپل فعالیتونه چټک او له دې زیات خدمتونه خپلو هېوادوالو ته وړاندې کړو.
