لوګر ولایت په مرکز اویوشمیر ولسوالیو کې د دریو مخابراتي سایټونو له رغنیزو چارو څخه څارنه ترسره شوه

لوګر ولایت د مخابراتو او معلوماتي ټکنالوجۍ ریاست او ګډ تخنیکي ټیم له لوري د یاد ولایت څرخ ولسوالۍ ډبرکلي کې د سلام مخابراتي شبکې د یوه سایټ چې د ټي ډي اف دلسمې پروژې په مرسته جوړیږي او همدا ډول د څرخ ولسوالۍ په سرمعلم کلې او د یاد ولایت مرکز اړوند پل علم ښار بارګینونو سیمه کې د روشن مخابراتي شرکت د دوو  سایټونو د رغنیزو چاور له بهیر څخه څارنه ترسره شوه.

د دې څارنې په ترڅ کې ذکر شویو شرکتونو ته سپارښتنه وشوه چې یاد مخابراتي سایټونه د قرارداد د شرایطو سره سم په معیاري ډول بشپړ کړي.

د مخابراتو او معلوماتي ټکنالوجۍ وزارت ولایتي ریاستونه او نظارتي ټیمونه وخت په وخت د هېواد په ټولو برخو کې له مخابراتي چوپړ او د نویو مخابراتي سایټونو له جوړېدو څارنه ترسره کوي څو د خدماتو په وړاندې کولو او د نویو مخابراتي آنټنونو جوړولو کې خنډ او ځنډ رامنځته نه شي.