له دلارام ولسوالۍ څخه تر زرنج ښار پورې د نوري فایبر د غځولو پروژه پرانیستل شوه
![فایبر نوری](/sites/default/files/2024-05/whatsapp_image_2024-05-13_at_13.22.18_3660317f.jpg)
د مخابراتو او معلوماتي ټکنالوجۍ وزارت د سرپرست وزیر ښاغلي الحاج مولوي نجیب الله حیات حقاني د هدایت په اساس د هیواد د نوري فایبر حلقوي رینگ د بشپړولو په موخه د نیمروز ولایت د دلارام ولسوالۍ څخه تر زرنج ښار پورې د نوري فایبر د غځولو پروژه د دغه ولایت د والي محترم شیخ محمد قاسم خالد، د مخابراتو او معلوماتي ټکنالوجۍ رئیس محترم مولوی عبدالرحیم فیاض او د دلارام ولسوالۍ یو شمیر قومي مشرانو او مخورو په حضور کې پرانیستل شوه.
د دې سترې ملي پروژې په پیل سره به ځوانانو او هېوادوالو ته د کار زمینه برابره او په بشپړیدو سره به یې د نیمروز ولایت اوسیدونکي له لوړ سرعت او ښه کیفیت انټرنیټي خدمتونو څخه برخمن شي.
یاده مهمه پروژه به د (۲۱۹) کیلومترو په اوږدوالي د پنځو میاشتو په موده کې بشپړه او ګټې اخیستنې ته وسپارل شي..
د يادونې وړ ده، چې د نيمروز ولايت اوسېدونکو د مخابراتو او معلوماتي ټکنالوجۍ وزارت د دغه اقدام څخه قدرداني او خوښي څرګنده کړه او د مخابراتو او ټکنالوجۍ رياست د هڅو ستاينه يې وکړه.