شمال د ډبرو سکرو امارتي شرکت سره د وېب ايمېل او هاستنګ د خدمتونو قرارداد لاسليک شو
د مخابراتو او معلوماتي ټکنالوجۍ وزارت د معلوماتي ټکنالوجۍ د خدمتونو د وړاندې کولو رياست د شمال ډبرو سکرو له امارتي شرکت سره د وېب ايمېل او هاستنګ د خدمتونو په برخه کې یوکلن قرارداد لاسليک کړ، چې له مخې به یې د دې شرکت اړین خدمتونه د افغانستان د معلوماتو ملي مرکز کې هاسټ شي، او د شرکت د تخنیکي فعالیتونو د آسانتیا او دیجیتلي اړیکو د پیاوړتیا لپاره زمینه برابروي.
د مخابراتو او معلوماتي ټکنالوجۍ وزارت، د امارتي تخنیکي زیربناو د اغیزمنې کارونې پر زیاتوالي چې د داخلي هاسټنګ (کوربه توب) د خدمتونو پر پراختیا، د تخنیکي ځان بسیاینې په پیاوړتیا او په هیواد کې د ډیجیټلي خدمتونو په وده کې مهم رول لوبوي ټینګار وکړ.
د مخابراتو او معلوماتي ټکنالوجۍ وزارت، هېواد کې د ډیجیټل حکومتولۍ د تطبیق، د ټکنالوجۍ لپاره د مصؤنې زیربنا ایجاد، د ټکنالوجۍ په برخه کې د ظرفیتونو د تقویه کولو او د مخابراتي او پوسټي خدمتونو د تنظیم دنده پر غاړه لري چې د هېواد په کچه د پالیسیانو د تطبیق په اساس یاد خدمات په غوره ډول سر ته رسوي .
