د کندهار ولایت د مخابراتو او معلوماتي ټکنالوجۍ ریاست او مخابراتي شرکتونو ترمنځ غونډه وشوه
د کندهار ولایت مخابراتو او معلوماتي تکنالوجۍ رهبري د آترا ادارې او مخابراتي شرکتونو د مسؤلينو سره د یوې غونډې په ترڅ وکتل.
پدې غونډې کې د مخابراتي سیمکارتونو د بیاځلي ثبت پر نوي مېکانیزم خبري اتري وشوې او د مخابراتو او معلوماتي تکنالوجي پر نوې کړنلاره رڼا واچول شوه.
همداراز د سیمکارټونو د ثبت پروسې په جریان کې ولس ته د اسانتیا په برابرولو لازمې لار ښووني وشوې او ټینګار وشو ټول مخابراتي شرکتونه باید د مخابراتو وزارت آترا ادارې کړنلارې مطابق عمل و کړي.
د یادونې وړ ده چې د ټولو مخابراتي شرکتونو استازو د سیمکارتونو د ثبت او ویش په برخه کې د آترا ادارې د کړنلارې د پوره تطبیق ژمنه وکړه.
