د کندز ولایت کلباد او ګلتپه ولسوالیو کې د سلام مخابراتي شبکې دوه سایټونه فعال او ګټې اخیستنې ته وسپارل شول
د مخابراتو او معلوماتي ټکنالوجۍ وزارت د پلان له مخې د کندز ولایت ګلباد او ګلتپه ولسوالیو کې د مخابراتي ستونزو د حل په موخه د سلام مخابراتي شبکې دوه سایټونه د ټي ډي اف د لسمې پروژې په مرسته یادو ولسوالیو کې جوړ او د مخابراتي چوپړ د وړاندې کؤلو په موخه ګټې اخیستنې ته وسپارل شول .
د یادو مخابراتي سایټونو په فعالېدو سره به د کندز ولایت د کلباد او ګلتپه ولسوالیو اوسیدونکي له مخابراتي خدمتونو برخمن شي او کولای شي له انټرنټي او مکالماتي چوپړ ګټه پورته کړي.
د یادولو وړ ده دکندز ولایت د ګلباد او ګلتپه ولسوالیو اوسېدونکو د مخابراتو او معلوماتي ټکنالوجۍ وزارت له مشرتابه مننه وکړه چې د هېواد لرو پرتو سیمو ته یې ځانګړې پاملرنه کړې او هغه سیمې چې له ډېره وخته د مخابراتي خدمتونو څخه بې برخې وې اوس مهال ورته غوره مخابراتي چوپړ وړاندې کېږي.
