د کندز ولایت په علی آباد ولسوالۍ کې د ام ټي ان مخابرتي شرکت د یوه مخابراتي سایټ ظرفیت لوړ شو
د مخابراتو او معلوماتي ټکنالوجۍ وزارت د هدایت پر اساس، د کندز ولایت د مخابراتو او معلوماتي ټکنالوجۍ ریاست او د ام ټي ان مخابراتي شرکت په ګډو هڅو د یاد ولایت په علی آباد ولسوالۍ کې د یوه مخابراتي سایټ انټرنیټي خدمتونه ۳جي ته لوړ او ګټې اخیستنې ته وسپارل شو.
د نوموړي مخابراتي شرکت د ۳جي انټرنیټي خدمتونو په فعالیدو سره به د یاد ولایت د علی آباد ولسوالۍ اړوند اوسېدونکي وکولای شي لوړ کیفیت او چټک انټرنېټي خدمتونو ته لاسرسی ولري او خپلې مخابراتي او انټرنیټي ستونزې هوارې کړي.
د کندز ولایت علی آباد ولسوالۍ اوسېدونکو د مخابراتو او معلوماتي ټکنالوجۍ وزارت د دغه اقدام ستاینه وکړه او د نوموړي ولایت د مخابراتو او معلوماتي ټکنالوجۍ ریاست، له هڅو یې خوښي څرګنده کړه.
همداراز، نوموړي مخابراتي شرکت ژمنه وکړه په کومو ولسواليو کې چې اوس مهال د ام ټي ان مخابراتي شرکت ۲جي انټرنیټي خدمتونه شتون لري، د هغه سايټونو خدمتونه به هم ډېر ژر ۳ جي او ۴جي ته لوړ شي.
