د پنجشیر ولایت د مخابراتو او معلوماتي ټکنالوجۍ رئیس د افغان بیسیم مخابراتي شبکې له مسئولینو سره وکتل
د پنجشیر ولایت د مخابراتو او معلوماتي ټکنالوجۍ رئیس محترم عبدالحمید نوري د افغان بېسیم مخابراتي شبکې له مسوولینو سره وکتل او د پنجشیر ولایت اړوند انجمن کوتل کې د افغان بېسیم مخابراتي شبکې د "نښلونکی لاین" ریپیټر وسیلې د جوړولو په اړه خبرې وکړې.
دغه پروګرام چې د افغان بېسیم مخابراتي شبکې له لوري د یاد ولایت د مخابراتو او معلوماتي ټکنالوجۍ د ریاست په همکارۍ په جوړیږي، د پنجشیر ولایت مخابراتي سایټونه د بدخشان ولایت د کران او منجان ولسوالیو له سپوږمکیو سره نښلوي چې په یادو سیمو کې به د مخابراتي خدمتونو د پیاوړتیا او ښه والي سبب شي.
