د پروان ولایت سیاګرد ولسوالۍ کې د ټي ډي ایف لسمې پروژې یو سایټ ګټې اخیستنې ته وسپارل شو
د هېواد لرو پرتو سیمو ته د مخابراتي آسانتیاو د غځولو په دوام د پروان ولایت د غوربند سیاګرد ولسوالۍ کې د افغان ټلیکام مخابراتي شرکت د سلام شبکې یو مخابراتي سایټ چې د مخابراتو او معلوماتي ټکنالوجۍ وزارت اټرا ادارې د ټي ډي ایف د لسمې پروژه کې پلان شوی و رغنیزې چارې یې بشپړې شوې چې لنډه موده کې به یې تخنیکي وسایل هم د مخابراتي پوښښ په موخه نصب شي.
د یاد مخابراتي سایټ په فعالېدو سره به د سیاګرد ولسوالۍ ډیری محرومې سیمې له اینټرنټي او مکالماتي خدمتونو برخمنې شي.
