د پروان ولایت د مخابراتو او معلوماتي ټکنالوجۍ ریاست او مخابراتي شرکتونو ترمنځ د همغږۍ غونډه وشوه

naweed_admin
شنبه ۱۴۰۳/۶/۳۱ - ۱۳:۱
پروان

د چارو د لا ښه ترسره کولو په موخه د پروان ولایت د مخابراتو او معلوماتي ټکنالوجۍ ریاست، آترا ادارې او مخابراتي شرکتونو ترمنځ د همغږۍ غونډه جوړه شوه.

په دې غونډه کې د مخابراتي شرکتونو له استازو سره د دولتي ادارو د مسوولینو او د یاد ولایت د ښاریانو شکایتونه او وړاندیزونه مطرح شول او ټینګار وشو چې مخابراتي شرکتونه باید خپل ټول فعالیتونه د قانون او د مخابراتو او معلوماتي ټکنالوجۍ وزارت د آټرا ادارې کړنلارې سره سم ترسره کړي، د خپلو پیرودونکو سره ښه او انساني چلند وکړي او په جدي توګه د ټاکل شوي نرخ څخه په لوړه بیه د سیم کارتونو پلور او د اجباري کریډټ زیاتوالي مخه ونیسي.

په یاده ناسته کې سپارښتنه وشوه، چې په هغو سیمو کې چې د مخابراتي شرکتونو خدمات کمزوري او اوسېدونکي یې له مخابراتي ستونزو سره مخ دي، د ستونزو د حل لپاره دې ژر تر ژره اقدام وشي.

پروان

د یادونې وړ ده چې د مخابراتي شرکتونو استازو د مخابراتو ریاست او اترا ادارې له دوامدارې همکارۍ مننه وکړه او ډاډ یې څرګند کړ چې ټولې کړنې به د اصولو او طرزالعمل سره سم ترسره کوي.

تازه خبرونه

پنجشنبه ۱۴۰۴/۷/۱۰ - ۱۳:۸
Background image

د زابل ولایت مرکز کلات کې دوه سایټونه د ۴جی خدمتونو د وړاندې کولو په موخه ګټې اخیستنې ته وسپارل شول

زابل ولایت مرکز کلات کې د انټرنټي او مکالماتي خدمتونو د پیاوړتیا او پراختیا په موخه د افغان بیسیم مخابراتي...

پنجشنبه ۱۴۰۴/۷/۱۰ - ۱۱:۱
Background image

د غزني ولایت مرکز په ګڼو سیمو کې د مخابراتي پوښښ د پراختیا په موخه ۱۲ مخابراتي آنټنونه ګټې اخیستنې ته وسپارل شول

د غزني ولایت مرکز نو آباد، مغلان، ګوډلې، لب دریا، اربابا صاحب، محبس سیمې، بکاول...

پنجشنبه ۱۴۰۴/۷/۱۰ - ۹:۵۳
Background image

د خوست ولایت موسی خیلو ولسوالۍ کې د ټي ډي ایف لسمې پروژې د یوه مخابراتي سایټ له رغنیزو چارو څخه څارنه ترسره شوه

یاد مخابراتي سایټ چې د موسی خیلو ولسوالۍ کې یې رغنیزې چارې پیل شوي جوړېدو سره...

بېرته خبرونه ته