د وزير ژوندلیک

د مخابراتو او معلوماتي ټکنالوجۍ وزارت د سرپرست محترم محمد فهيم هاشمي لنډه پېژندنه

minister

د مخابراتو او معلوماتي ټکنالوجۍ وزارت سرپرست محترم محمد فهیم هاشمي په کال ۱۹۸۰ کال د سپتمبر په ۲۷ مه نیټه د افغانستان د کابل په ولایت کې زیږدلی.

ښاغلی فهیم هاشمي په کابل پوهنتون د طب په پوهنځی کې متوجه شوی چې کولی شي لوی کارونه ترسره کړي همدا و چې  په ۲۰۰۵ کال په افغانستان کې  د هاشمي ګروپ په نوم د تدارکاتي، ودانیزي، هوايي کرښو او تولیدي  یوه مجتمع رامنځته کړي.

په ۲۰۰۵ کال کې د افغانستان دولت او نړيوالو قواؤ لپاره د ښو خدمتونو د برابرولو له پاره یو لوی لوژستیکي شرکت رامنځته کړ.

په ۲۰۱۰ کال کې يې ۱ تلویزیون چې په افغانستان کې دویمه لوی شبکه چې د مهیمو رسنیزو او MCXI د ستراتژیکو اړیکو مرکز دی  رامنځته کړ.

دغه پانګونه د هاشمي د ګروپ یو لوی  افغاني مجتمع ( کنګلومرا ) څخه شمیرل کيږي چې د تدارکاتو، تولید هوايي کرښو او په ودانیزو چارو کې فعالیت کوي.

په ۲۰۱۴ کال کې يو شمير داخلي او بهرنیو سوداګرو په افغانستان کې پانګونې ته زړه نه ښه کولو خو فهیم هاشمي يو له هغه اشخاصو څخه و چې دا احساس کړي وه چې دغه مرحله د هېواد برخیلک ټاکونکي  ده نو په دې وخت کې پانګونه  ترهر بل وخت مهمه او پر ځای پریکړه ده.

ښاغلی هاشمي په ۲۰۰۹ کال کې Group One په رامنځته کولو سره د رسنیو په صنعت کې ور ګډ شو.

د هاشمي یو له مهمترینو نقل قول څخه دا دی چې په افغانستا کې پاتې شه او په افغانستان کې سرمایه ګذاري وکړه، نه یواځې د سوداګری په موخه بلکې د هيواد د ملي ګټو د تامین لپاره، نو ښاغلي فهیم هاشمي په ۲۰۱۰ د ۱ تلویزیون تاسیس کړ چې د Group One برخه ده .

دده د اقتصادي فعالیتونو موخه تل د افغانستان د نوی نسل د ګټو له پاره ده، د مثال په ډول؛

د ۱ تلویزون شبکې نه يواځې سلګونه ځوانانو ته د کار زمینه برابره کړي بلکې  د طالبانو د رژیم د بدلون نه وروسته يې هېواد د اوسیدونکو د اذهانو په روښانه کولو کې  مهم رول لوبولی دی او په عین حال کې يې هغه هڅه کړي ده چې په هېواد کې د بدلون له پاره یو تریبون رامنځته کړي.

ښاغلي فهیم هاشمي نه یواځې په کسب او کار بلکې په دولت کې يې هم مهم رول لوبولی، هغه د څلورو کلونو لپاره د ټاکنو له لارې د المپیک د ملي کمټې د ريیس په حیث ټاکل شوی چې په دغه ټاکنو کې يې ۲۷ رایې ترلاسه کړې او له ۲۰۰۹ څخه تر ۲۰۱۴کال پوري د المپيک د ملي کميټې د رييس په توګه دنده ترسره پاتې شوې.

نوموړي د خپلي څلور کلنې دورې په ترڅ کې د المپیک ملي کمېټې ته تر نړيوالې کچې پراختیا ورکړه او په ورزش کې د ښځو ګډون د پام وړ پرمختګ ورکړ.

 

د مخابراتو او معلوماتي ټکنالوجۍ پخواني وزیر شهزاد ګل آریوبي ژوندلیک د دی ځای سره وګوری.