د هرات ولایت زاول ولسوالۍ کې د یوه مخابراتي سایټ له رغنیزو چارو څارنه وشوه
د هرات ولایت زاول ولسوالۍ میان رودي سیمه کې د مخابراتي چوپړ په موخه د یوه مخابراتي سایټ څارنه ترسره شوه.
له مخابراتي چوپړه بې برخو سیمو ته د مخابراتي آسانتیاو د برابرولو په دوام د هرات ولایت زاول ولسوالۍ میان رودي سیمه کې د سلام مخابراتي شرکت د یوه سایټ چې د اټرا ادارې د ټي ډي ایف لسمې پروژې پر مټ جوړېږي رغنیزې چارې پیل شوې .
یاد مخابراتي سایټ چې د زاول ولسوالۍ محرومو سیمو د پوښښ په موخه په پام کې نیول شوی له جوړېدو سره به یې د یادې سیمې ډیری خلک له انټرنټي او مکالماتي خدمتونو برخمن شي
د هرات ولایت زاول ولسوالۍ کې د یاد مخابراتي سایټ د څارنې په ترڅ کې اړونده شرکت ته سپارښتنه وشوه چې د سایټ د کیفیت په پام کې نیولو سره د تړون مطابق خپلې چارې بشپړې کړي.
د مخابراتو او معلوماتي ټکنالوجۍ وزارت اټرا اداره چې هېواد کې د مخابراتي خدمتونو د تنظیم دنده پر غاړه لري هڅه کوي د هېواد ټولو برخو ته د مخابراتي چوپړ د رسولو په اساس د انټرنټ او مکالمو آسانتیاوې رامنځته کړي.
