د نورستان ولایت په کامدیش او برګمټال ولسوالیو کې د سلام مخابراتي شبکې د ۲ نويو مخابراتي سایټونو له جوړیدو څخه څارنه ترسره شوه
د نورستان ولایت د مخابراتو او معلوماتي ټکنالوجۍ ریاست او ګډ تخنیکي ټیم له لوري د سلام مخابراتي شبکی له ۲ نویو مخابراتي سایټونو څخه چې د ټی ډی اف لسمې پروژې په مرسته جوړیږی د نورستان ولایت کامدیش ولسوالۍ بازګل سیمې او د برګمټال ولسوالۍ په نیک موک سیمه کې د مخابراتو او معلوماتي ټکنالوجۍ وزارت د پلان له مخې جوړیږي له ودانیزو چارو څخه یې څارنه ترسره شوه.
د څارنې په ترڅ کې قراردادي شرکت ته سپارښتنه وشوه چې د قرارداد مطابق چارې ترسره کړي.
دیادولو وړده چې نوموړي مخابراتی سایټونه به ډير ژر ګټې اخیستنې ته وسپارل شي او د نورستان ولایت د یادو ولسوالیو اوسیدونکو مخابراتي ستونزې به ورسره حل شي.
