د نظربايوف پوهنتون څخه ليدنه
د مخابراتو او معلوماتي ټيکنالوجۍ سرپرست وزير شهزاد اريوبي د قازقستان په استانه کې د نظربايوف پوهنتون څخه ليدنه وکړه. د نظربايوف پوهنتون له مرستيالې اغلې خديجه ډېرووا سره يې هم وليدل. په دغه ناسته کې د دوه اړخيزو اړيکو په پراختيا او افغانستان ته د معلوماتي ټيکنالوجۍ په برخه کې د بورسونو په ورکړې خبرې وشوې. اغلې خديجه د همکاريو ژمنه وکړه او و يې ويل چې د نظربايوف پوهنتون يو لوړ رتبه هئيت به کابل ته راشي. سرپرست وزير د نظربايوف پوهنتون له مرستيالې مننه وکړه او په لا ډېرو همکاريو يې ټينګار وکړ.
