د مخابراتو او معلوماتي ټکنالوجۍ وزیر محترم شهزاد آريوبی نن د مخابراتو نړېوالې اتحاديې ITU د ستر سلا کار ښاغلی سمير شرما، په کابل کې د چين سفیر محترم لیو جین¬سونګ او د مخابراتو او معلوماتي ټکنالوجۍ وزارت مشرتابه پلاوي سره په ګډه د مخابراتي او معلوماتي ټکنا
یکشنبه ۱۳۹۷/۱۲/۵ - ۱۷:۳۵
د مخابراتو او معلوماتي ټکنالوجۍ وزیر محترم شهزاد آريوبی نن د مخابراتو نړېوالې اتحاديې ITU د ستر سلا کار ښاغلی سمير شرما، په کابل کې د چين سفیر محترم لیو جینسونګ او د مخابراتو او معلوماتي ټکنالوجۍ وزارت مشرتابه پلاوي سره په ګډه د مخابراتي او معلوماتي ټکنالوجۍ انېسټيټيوټ څخه لیدنه وکړه.
د لېدنې په ترڅ کې ددغه انېسټيټيوټ رئیس محترم پوهاند محمد شفیع شریفي د خپلو فعالیتونو، لاسته راوړنو او اړتياو په اړه پرېزنټېشن وړاندې کړ چې د چين سفیر او د مخابراتو نړېوالې اتحاديې د مشاور له خوا ور سره د اړوندو برخو کې د همکاريو ژمنه وشوه.
مخابراتو وزارت په پام کې لري چې ICTI د يو څېړنيز مرکز په توګه د مخابراتو او معلوماتي ټکنالوجۍ سکټور کې فعالیت وکړي او د بشري ځواک په روزنه کې رغنده رول ولوبوي.
محترم آريوبی همدا راز ددغه انېسټېټيوټ د بېلابېلو برخو څخه د لیدنې تر څنګ د مخابراتو نړېوالې اتحاديې له مشاور او د چين له سفیر سره د نويو تجهيزاتو، تدریسي موادو پر نوښت او د محصلينو لپاره د ليليې برابرولو د همکارۍ په اړه خبرې وکړې.
