د مخابراتو او معلوماتي ټکنالوجۍ وزیر د د افغانستان برښنا شرکت له مشر سره وکتل
د 1396 کال د سلواغې د میاشتې په 3 مه نیټه د مخابراتو او معلوماتي ټکنالوجۍ وزیر ښاغلي شهزاد آریوبي د د افغانستان برښنا شرکت له رئیس ښاغلي امان الله غالب سره د نوري فایبر څخه په اغیزمن ډول د ګټې اخستنې په پار په دوه اړخیز تفاهم خبری وکړې
په دغه ناسته کې پدې بحث وشو چې د مخابراتو وزارت او د برښنا شرکت د نوري فایبر د شبکی څخه د استفادې په تړاو همغږي رامنځته او د سرچینو څخه په اغیزمن ډول ګټه پورته شي.
پریکړه په دی وشوه چې د دواړو ادارو تخنیکي ټیمونه به په یو هوکړه لیک کار وکړي تر څو ددواړو خواوو مسئولیتونه معلوم شي.
د هوکړه لیک د لاسلیک کولو سره به سرچینې لږې مصرف شي او ګټه به یې هم ولس او حکومت ته زیاته وي.
