د مخابراتو او معلوماتي ټکنالوجۍ وزارت وزیر د هېواد شمال ته د سفر په لړکې د کندز ولایت ته تللی او هلته یې د مخابراتي خدمتونو د ارزونې په موخه ناسته کړې
د مخابراتو او معلوماتي ټکنالوجۍ وزارت وزیر، ښاغلی الحاج مولوي نجیب الله حیات حقاني، د هېواد شمالي ولایتونو ته د سفر په ترڅ کې، د کندز ولایت د یوشمیر ادارو له لوړپوړو مسئولینو سره د مخابراتي خدمتونو د ستونزو د حل په موخه ناسته ؤکړه او په یاد ولایت کې یې د مخابراتي خدمتونو د ارزونې تر څنګ د ټي ډي د لسمې پروژې په تړاو معلومات وړاندې کړل.
په دې غونډه کې، د کندز ولایت والي محترم الحاج ملا محمد خان دعوت، امنیه قوماندان، د علماو شورا او ګڼو نورو چارواکو ګډون درلود، د کندز ولایت والي او چارواکو د مخابراتو او معلوماتي ټکنالوجۍ وزارت له وزیر مننه ؤکړه او زیاته یې کړه چې اوس مهال تر ډېره بریده یاد ولایت کې مخابراتي ستونزې حل او د وزارت له لوري په منظور شویو مخابراتي سایټونو په چټکۍ کار روان دی، اړونده مسئولینو د کندز ولایت هغو سیمو کې چې لا هم مخابراتي ستونزې لري د خل غوښتنه ؤکړه او د لا ډېرو مخابراتي آنټنونو غوښتنه یې ؤکړه.
دغونډی په لړکې ښاغلي وزیر صاحب، د ولایتي مسئولینو د ستونزو په اوریدو سره، د مخابراتي شرکتونو استازو ته سپارښتنه وکړه چې د دریو میاشتو په موده کې، د یاد ولایت د بېلابېلو ولسوالیو هغه سیمو کې چې د اړوندو مسئولینو لخوا اړین وګڼل شول، لږ تر لږه ۳۴ مخابراتي سایټونه نصب او ګټې اخیستنې ته وسپاري.
دا هڅه د لیرې پرتو سیمو د مخابراتي اړیکو د ټینګښت او خلکو ته د ژوند د آسانتیاو د زیاتوالي لپاره ارزښتناک ګام دی چې په مټ به یې د کندز ولایت ډېری مخابراتي ستونزې حل شي.
دیادولوړده چې یاد ولایت نورو ولسوالیو لیرې پرتو سیمو لپاره، مخکې ۱۴ نور مخابراتي سایټونه د ټي ډي ایف بودیجې له لارې منظور شوي وو، چې اوس مهال د یادو مخابراتي آنټنونو کارونه د بشپړیدو په حال کې دي.
دغه اقدام د ټکنالوجۍ د پرمختګ او د خلکو د ژوند د معیار د لوړولو لپاره یوه مهمه هڅه ده، چې د ولایتونو د پرمختګ او همغږۍ لپاره به د پام وړ اغیز ولري.
