د فوټسال ملي لوبډلې او لاجوردو لارې د بایسکل چلوونکو ډلې ستاینغونډه کې ګډون
د مخابراتو او معلوماتي ټکنالوجۍ وزارت سرپرست محمد فهیم هاشمي چې ایران ته د فوټسال ۲۰ کلونو کم عمره ملي لوبډلې د هڅونې د لوړ رتبه پلاوي غړی او ملي لوبډلې ته يې د جلالتماب جمهور رئیس محمد اشرف غني د تشویق پېغام رسوونکی و، نن يې د افغانستان فوټسال ملي لوبډلې او لاجوردو لارې د بایسکل چلوونکو ګروپ په ستاینغونډه کې ګډون وکړ.
جلالتمآب جمهور رئیس محمد اشرف غني د خپلو خبرو په ترڅ کې وویل چې نن زما لپاره ځانګړی ورځ ده چې نوی نسل او د افغانستان د ځوان نسل لپاره امید او راتلونکې بېلګه وینم.
جمهوررئیس د هیواد د فوټسال ملي لوبډلې غړو ته په خطاب کې وویل، ما له جاپان سره ستاسې سیالي ولیدله، په میدان کې ستاسې همغږي او کنټرول د قدر وړ وه او د افغانستان بیرغ په رپولو سره موږ ته ویاړ راوباښه.
جمهوررئیس وویل، تاسې څو زره کلن دود ژوندی او ثابته مو کړه چې افغانستان د اسیا د څلور لارې د وصل نقطه ده او موږ د سیمې هیوادونو سره یواځې سوداګریزې اړیکې نه لرو، بلکې احساسي او عاطفي اړیکې هم لرو.