د غزني ولایت مرکز په ګڼو سیمو کې د مخابراتي پوښښ د پراختیا په موخه ۱۲ مخابراتي آنټنونه ګټې اخیستنې ته وسپارل شول
د هېواد ګڼو سیمو کې د غوره مخابراتي پوښښ او پراختیا په موخه د غزني ولایت مرکز نو آباد، مغلان، ګوډلې، لب دریا، اربابا صاحب، محبس سیمې، بکاول، بزازیو، پشتون آباد، قلعه میري، شورمن او اسپند سیمو کې د روشن مخابراتي شرکت ۹ آنټنونه او د افغان بیسیم مخابراتي شرکت ۳ سایټونه ګټې اخیستنې ته وسپارل شول.
د مخابراتو او معلوماتي ټکنالوجۍ وزارت اترا اداره هڅه کوي څو د هېواد ګڼې برخې له مخابراتي خدمتونو برخمنې شي او ولسونه وکولای شي د هېواد هرې برخه کې انټرنټي او مکالماتي خدمتونو ته لاسرسی ولري په همدې موخه د هېواد مطلق محرومو سیمو ته کابو ۵۵۰ مخابراتي آنټنونه د ټي ډي اف پروژی له لارې پلان شوي چې ډېر شمېر یې اوس ګټې اخیستنې ته هم سپارل شوي.
د یادونې وړ ده یاد مخابراتي آنټنونه به د غزني ولایت مرکز سربیره عمومي شهراه هم له مخابراتي چوپړتیاو برخمنه کړي.
