د غزني ولایت د مخابراتو او معلوماتي ټکنالوجۍ نوي رییس په رسمي ډول کار پیل کړ
انجینر میرحسین طنین په هغو مراسمو کې چې د غزني ولایت مرستیال او سرپرست والي محمد امین مبلغ، د ولایتي شورا وکیلانو، مالي او ادارې رییس، د بشري سرچینو رییس، د سکتوري خدمتونو رییس، د یو شمیرادارو چارواکو او امنیتي مسئولینو، قومي مشرانو او مخورو پکې ګډون کړی و، د دغه ولایت د مخابراتو او معلوماتي ټکنالوجۍ رییس په توګه معرفي شو او رسما یې خپله دنده پیل کړه.
ښاغلي طنین په خپلو خبرو کې ژمنه وکړه چې خلکو ته به د معلوماتي ټکنالوجۍ او ډیجیټلي حکومتوالۍ د پراختیا لپاره کار وکړي.
د یادولو ده چې ښاغلی طنین د ازادې سیالۍ له لارې دې پست ته ګمارل شوی دی.
