د زابل ولایت خاک افغان ولسوالۍ کې د یوه نوي مخابراتي سایټ څخه څارنه تر سره شوه.
د زابل ولایت د مخابراتو او معلوماتي ټکنالوجۍ ریاست له لوري د سلام مخابراتي شرکت د نوي سایټ له فعالیت څخه چې د یاد ولایت خاک افغان ولسوالۍ د خرنی سیمه کې د ټي ډي اف لسمې پروژې په مرسته جوړ او ګټې اخیستې ته سپارل شوی دی څارنه وکړه.
د دغه مخابراتي سایټ په فعالیدو سره به د یادې سیمې اوسیدونکو ته با کیفیته، معیاري مخابراتي او انټرنټي خدمتونه وړاندې شي.
د مخابراتو او معلوماتي ټکنالوجۍ وزارت ولایتي ریاستونه او نظارتي ټیمونه وخت په وخت د هېواد په ټولو برخو کې له مخابراتي چوپړ او د نویو مخابراتي سایټونو له جوړېدو څارنه ترسره کوي څو د خدماتو په وړاندې کولو او د نویو مخابراتي انټنونو جوړولو کې خنډ او ځنډ رامنځته نه شي.
