د روشن مخابراتي شرکت مسؤلینو د مخابراتو او معلوماتي ټکنالوجۍ وزارت له وزیر سره لیدنه وکړه

naweed_admin
یکشنبه ۱۴۰۲/۱۲/۱۳ - ۱۴:۵۰
روشن

په ۲۳ هېوادونو کې د اکفیډ ( د آغا خان د پرمختیايي صندق ) مشر لطف کسم او مل پلاوي یې د مخابراتو او معلوماتي ټکنالوجۍ وزارت له وزیر محترم الحاج مولوي نجیب الله حقاني سره افغانستان کې د روشن مخابراتي شرکت په فعالیتونو، ستونزو او پرمختګونو خبرې وکړې.

د مخابراتو او معلوماتي ټکنالوجۍ وزارت وزیر محترم الحاج مولوي نجیب الله حقاني راغلي پلاوي ته د ښه راغلاست وویل او زیاته یې کړه چې د مخابراتي سکټور د مشر په حیث یې هڅه کړې چې افغانستان کې ټولو مخابراتي شرکتونو لپاره آسانتیاوې رامنځته کړي او د دوی د فعالیت ساحه پراخه شي خو په ورته وخت کې یې یادونه وکړه چې د دولت د آسانتیاو تر څنګ مخابراتي شرکتونه اړ دي چې د نړیوال سټنډرډ مطابق خدمات وړاندې کړي او د فعالیت ساحه پراخه کړي.

راغلي پلاوي د مخابراتو او معلوماتي ټکنالوجۍ وزارت له مشرتابه مننه وکړه چې د مخابراتي سکټور د ودې په برخه کې یې پوره همکاري کړې او ډېری مخابراتي شرکتونو ته یې د پانګونې آسانیتاوې برابرې کړي او هیله یې څرګنده کړه چې د مخابراتو او معلوماتي ټکنالوجۍ وزارت د مشرتابه د هدایت مطابق به خپلې چارې پرمخ وړي او هڅه به کوي چې خپل خدمات لوړ او با کیفیته کړي او همدا راز ډاډ یې څرګنډ کړ چې د فریکونسیو په مزایده کې به هم ګډون کوي، راغلي پلاوي څرګنده کړه چې دوی اوسني نظام سره د کار کولو لپاره لېواله دي او هڅه کوي د مخابراتو په برخه کې خپلې ستونزې کمې کړي.

روشن

ورته مهال د مخابراتو او معلوماتي ټکنالوجۍ وزارت وزیر محترم الحاج مولوي نجیب الله حقاني له راغلي پلاوي سره د دوی د تېر کال د پانګونې، خدماتو او د پوښښ د ساحو راپور شریک کړ او هدایت یې ورکړ چې راپور کې ذکر شوې ستونزو په حل سره خپله ژمنتیا څرګنده کړي.

د اکفیډ مشر ښاغلي لطف کسم ډاډ څرګند کړ چې دوی به خپلې ستونزې هواروي او هڅه به کوي چې هرکال افغانستان کې له ۱۵ څخه تر ۲۰ میلیونو ډالرو په اندازه پانګونه وکړي او همدا راز غوښتنه یې وکړه چې دوی افغانستان کې د فایبر د غځولو لپاره هم لېوالتیا لري او په دې برخه کې یې د مرستې غوښتنه وکړه.

ښاغلي وزیر صاحب راغلي پلاوي ته ډاډ ورکړ چې اوسنیو شرایطو کې د امنیت د شتون له مخې افغانستان د پانګونې لپاره یو مساعد هېواد دی او د نوری فایبر په برخه کې د نړیوالو سټنډرډونو او د مخابراتو او معلوماتي ټکنالوجۍ وزارت د پالیسۍ په پام کې نیولو سره دوی کولای شي فایبر وغځوي.

مولوی نجیب الله حقانی

د یادونې وړ ده له فتحې مخکې هېواد کې د فایبر لپاره کومې خاصې پالیسۍ شتون نه درلود چې په ډېری برخه کې فایبر په غیر معیاري ډول غځېدلی اوسمهال د مخابراتو او معلوماتي ټکنالوجۍ وزارت د فایبر غځونې په موخه یوه جامع پالیسي جوړه کړې چې نړیوال سټنډرډونه پکې په پام کې نیول شوي او په همدې اساس فایبر غځونې ته اجازه ورکول کېږي.

 

تازه خبرونه

سه‌شنبه ۱۴۰۳/۲/۴ - ۱۵:۳۸
Background image

د ریاست الوزراء سیاسي مرستیال د مخابراتو او معلوماتي تکنالوجۍ وزارت د اترا ادارې له عمومي رئیس سره ولیدل

د افغانستان داسلامي امارت د ریاست الوزراء سیاسي مرستیال محترم مولوي عبدالکبیر د مخابراتو او معلوماتي تکنالوجۍ وزارت د اترا ادارې له عمومي رییس...

یکشنبه ۱۴۰۳/۲/۲ - ۱۶:۵
Background image

د مخابراتو او معلوماتي ټکنالوجۍ وزارت د رهبري پلاوي غونډه ترسره شوه

د مخابراتو او معلوماتي ټکنالوجۍ وزارت رهبري پلاوي مجلس د یاد وزارت د سرپرست وزیر محترم الحاج مولوي نجیب الله حقاني په مشرۍ ترسره شو او د اجنډا مطابق...

چهارشنبه ۱۴۰۳/۱/۲۹ - ۱۶:۱۰
Background image

کابل ولایت کې د مخابراتي شرکتونو له انټرنټي سایټونو څخه څآرنه وشوه

د مخابراتو او معلوماتي ټکنالوجۍ وزارت او اترا ادارې له لوري په کابل ولایت کې د مخابراتي شرکتونو له انټرنټي سایټونو څخه د غیر اخلاقی انټرنټي سایټونو...

بېرته خبرونه ته