د دریو تنو نویو رییسانو د مقررۍ سره د مخابراتو وزارت د تخنیکي ریاستونو لړۍ پوره شوه
درې تنه نوي رییسان د هیواد جمهوري ریاست عالي مقام د حکم پر بنسټ او د ازادې سیالۍ له بهیر وروسته د مخابراتو او معلوماتي ټکنالوجۍ وزيرې اغلې معصومه خاوري لخوا نن ورځ په رسمي ډول په هغه غونډه کې، چې د دې وزارت د مختلفو ادارو رییسانو امرینو او نورو کارکوونکو په ګډون جوړه شوې وه معرفي شول.
احمد فواد سایق د (CIO) د معلوماتي سیستمونو ټکنالوجۍ د عمومي رییس په توګه، جاوید حسین فضایلي د مالي اداري عمومي رییس په توګه او جمال ناصر سروری د معلوماتو سیستمونو د امنیت رییس په توګه معرفي شو.
د مخابراتو او معلوماتي ټکنالوجۍ وزیرې اغلې معصومه خاوري نویو ټاکل شوو رییسانو ته د دوی د نویو مسؤلیتونو له امله د مبارکۍ ویلو پر مهال د مخابراتو وزارت د اصلي دندو او موخو په اړه لنډه وینا او یادونه وکړه چې د متخصصو ژمنو او ځوانو اشخاصو په جذبولو سره کولی شو خپل اصلي اهداف، چې د پروسو ساده کول او د دولت عامه خدمتونه ډیجیټل کول دي تر لاسه کړو
نویو رییسانو هم د جمهوري ریاست او د مخابراتو وزارت مقام د شفافې ازادې سیالۍ او په ځوانانو باندې باور او ملاتړ کولو څخه مننه وکړه او ژمنه یې وکړه چې مونږ به د خپلو تجروبو او موجوده امکاناتو څخه په ګټې اخیستنې په ټول ځواک سره پدې برخه کې د وزارت اړوند چارې او د اهدافو په پلي کولو کې تل لټه کوو.
