د حج پروسې برېښنايي کېدو د تړون لاسلیک:

Author image
enayat_admin
شنبه ۱۳۹۸/۹/۲۳ - ۱۳:۳۴
Signing of Memorandum of Understanding between the ministry of Communications and IT and ministry of Hajj and Religious Affairs


نن شنبه د لېندۍ میاشتې ۲۳ نېټه، د مخابراتو او معلوماتي ټکنالوجۍ وزارت (آسان خدمت ادارې) او ارشاد، حج اوقافو وزارت تر منځ د حج پروسې برېښنايي کېدو تړون لاسلیک شو.
په دغه غونډه کې، د مخابراتو او معلوماتي ټکنالوجۍ سرپرست وزیر محمد فهیم هاشمي، د حج پروسې برېښنايي کېدل، د دیني فریضې تر سره کولو په برخه کې یو ارزښتناک ګام وباله.
ښاغلي هاشمي زیاته کړه: «د حج پروسې برېښنايي کېدل، د هیواد حاجیانو ته اسانتیاوې رامېنځته کوي او د دغې غونډې ټول موضوعات د حاجیانو له پاره ارزښتناک دي.»
ښاغلي فهیم هاشمي د دغې پروسې د اسانتیاوو په اړه وویل: « د دغه سیسټم رامېنځته کول، د حج پروسې په ساده کولو او لنډولو کې مرسته کوي او هغه ادارې چې د خپلو سیسټمونو برېښنايي کېدو په برخه کې هڅې کوي، د هیواد د دیجتلي کېدو برخې اتلان دي.»

وزیر حج


په دغه غونډه کې د ارشاد حج او اوقافو سرپرست وزیر عبدالحکیم منیب، د هیواد الکټرونیکې کولو له امله له مخابراتو او معلوماتي ټکنالوژۍ وزرات او آسان خدمت ادارې مننه او قدرداني وکړه.
ښاغلي منیب زیاته کړه: «له دې وروسته حاجیان کولای شي، د حج فریضې له پاره له خپلو کورونو څخه نوم لیکنه وکړي، مونږ د دغه سیسټم په رامنځته کولو سره حاجیانو ته لازمې اسانتیاوې رامنځته کړې.»
د ارشاد، حج او اقافو سرپرست وزیر زیاته کړه: « مخابراتو او معلوماتي ټکنالوژۍ وزارت، د آسان خدمت ادارې په جوړولو سره ټکنالوژۍ او اسانتیاوو ته د لاسرسي په برخه کې ستر کار کړی.»
ښاغلي منیب ټینګار وکړ، چې مونږ د حج پروسې د دیجتلي کېدو پر مټ هڅه کوو، د حاجیانو نوم لیکنې او مدیریت کړکېچنه لړۍ ساده او حاجیانو ته د لازمو اسانتیاوو رامېنځته کولو زمینې برابرې کړو.


 

تازه خبرونه

پنجشنبه ۱۴۰۵/۸/۲۸ - ۱۳:۵۲
Background image

د نورستان ولایت منډول ولسوالۍ کې د سلام مخابراتي شبکې سایټ فعال او ګټې اخیستنې ته وسپارل شو

د هیواد محرومو سیموته د مخابراتي چوپړتیاو د پراختیا په موخه...

پنجشنبه ۱۴۰۵/۸/۲۸ - ۱۰:۲۲
Background image

پکتیکا ولایت کې د درې نویو مخابراتي سایټونو رغنیزې چارې پیل شوې

د یاد ولایت وړممی ولسوالۍ د دوچيني، وازيخوا ولسوالۍ مرجاني او د سروبي ولسوالۍ په مستوی سیمو کې د افغان بیسیم مخابراتي شرکت د ۳ سایټونو د جوړولو...

سه‌شنبه ۱۴۰۵/۸/۵ - ۱۶:۲۳
Background image

کانونو او پټرولیم وزارت کې د رسمي مکتوبونو او سندونو مدیریتي سیسټم د تطبیق لړۍ پیل شوه

په همدې موخه جوړې شوې غونډه کې د مخابراتو او معلوماتي ټکنالوژۍ وزارت مالي او اداري مرستیال ښاغلي الحاج حافظ محمد امین جان عمري د ډیجیټلي مکتوبونو او...

بېرته خبرونه ته