د بغلان ولایت د مخابراتو او معلوماتي ټکنالوجۍ ریاست د کمپیوټر ښوونیز مرکز څخه ۷۷ کسان فارغ شول
بغلان ولایت کې د مخابراتو او معلوماتي ټکنالوجۍ ریاست د کمپیوټر ښوونیز مرکز له یویشتمې دورې څخه ۷۷ کسان فارغ شول، دیادو زده کوونکوو په ډله کې ۱۲ تنه دولتي کارکوونکي، ۱۰ تنه د ښونځیو زدکوونکي او ۵۸ تنه محصلین شامل دي چې د مجربو ښوونکو له لوري د ټکنالوجۍ او کمپیوټر په برخه کې شپږمیاشتینۍ زده کړې ورکړل شوي چې پر مټ به یې وکولای شي تر ډېره بریده د ټکنالوجۍ او کمپیوټر په برخه کې خپلې ستونزې حل کړي.
په همدې مناسبت جوړه شوې غونډه کې د بغلان ولایت والي محترم عبدالرحمن حقاني ، دمخابراتواو معلوماتي ټکنالوجۍ وزارت د داخلي پلټنې رييس مولؤي محمد طارق فاروقي، د معلوماتي ټکنالوجۍ د څیړنې او پراختیا رئیس محترم الطاف احمد علمیار او یو شمېر مخورو، قومي مشرانو او د بیلابیلو حکومتي ادارو مسؤلینو هم ګډون کړی و او په ګډه یې د بغلان ولایت د مخابراتو او معلوماتي ریاست له هلو ځلو مننه وکړه چې د وخت مطابق یې د دې ولایت ځوانانو ته د ټکنالوجۍ د زده کړې آسانتیاوې برابرې کړي.
په یاده غونډه کې د بغلان ولایت والي محترم عبدالرحمن حقاني پخپلو خبرو کې د ټکنالوژۍ او عصري علومو پر ارزښت ټینګار وکړ او زیاته یې کړه چې اسلامي امارت تل د علم او ټکنالوژۍ د ودې ملاتړ کړی او دا بهیر به په راتلونکي کې هم دوام لري. هغه د فارغو شویو محصلینو بریا ته مبارکي وویله او هغوی ته یې د خپلو لاسته راوړنو په لور د لا زیاتو هڅو توصیه وکړه. نوموړي همدارنګه ژمنه وکړه چې اسلامي امارت به په دې برخه کې لا زیات فرصتونه او امکانات برابروي ترڅو ځوان نسل په معاصر علم سمبال شي.
د مخابراتو او معلوماتي ټکنالوجۍ وزارت د اوسني عصر اړتیا او د ټکنالوجۍ ارزښت ته په کتو د هېواد په ټولو ولایتونو کې د کمپیوټر د زده کړې علمي مرکزونه جوړ کړي چې د مجربو ښوونکو له لوري هېوادوالو ته پکې په علمي او عملي ډول تدریس کېږي.
دیادونی وړده چې د دغې غونډې په پای که د یادې دورې ټولو فارغ شویو فارغانوته د بغلان ولایت د مخابراتواو معلوماتي ټکنالوجۍ ریاست له لوري تصدیق لیکونه هم ورکړل شول.
