د بامیان په ولایت کې د ډیجیټلي او برښنایي وسایلو څخه په خوندي او اغیزمن ډول ګټې اخیستنې په موخه ښوونیز ورکشاپ جوړ شو
دا روزنیز ورکشاپ د دې ادارې د هارډویر کارپوه محمد زمان متین لخوا وړاندې شو او د مخابراتو او معلوماتي ټکنالوجۍ ریاست کارمندانو لپاره په کاري ځای کې د بریښنایی او ډیجیټل وسیلو خوندي او مؤثره کارونې په اړه معلومات ورکړل شو.
د دې برنامې د ترسره کولو موخه د ډیجیټلي او بریښنایی تجهیزاتو غوره او مؤثره کارونه، په کاري ځای کې روغتیا او خوندیتوب په اړه پوهاي ورکول دي چې د ICT وروستي تجهیزاتو کارولو لپاره ځانګړی لارښود دی او د دغه پروګرام په زده کولو سره به د دفتر تجهیزاتو مؤثره کارونې او ساتنې لپاره زمینه برابره شي او په نهایت کې به خوندي او ډاډمن کاري چاپیریال رامنځته شي.
