د اکسپو پستي خدمتونو شرکت ته د چټک پستي خدمتونو جواز ورکړل شو

په هغه مطبوعاتي کنفرانس کې چې د روان ۱۳۹۳ کال د ثور میاشتې په ۳۱ مه نیټه د مخابراتو او معلوماتي ټکنالوجۍ وزارت د کنفرانسونو په تالار کې جوړ شوی وو اکسپو پستي خدمتونو شرکت ته د پستي خدمتونو د وړاندې کولو جواز ورکړل شو.

د مخابراتو او معلوماتي ټکنالوجۍ وزارت IT مرستیال ښاغلي ایمل مرجان چې په یاد کنفرانس کې ګډون کړی و اکسپو پستي خدمتونو شرکت ته د پستي خدمتونو جواز د صادریدو له امله خوښي څرګنده کړه او ویې ویل: د خوښۍ ځای دی چې د مخابراتو او معلوماتي ټکنالوجۍ وزارت په هیواد کې د پستي خدمتونو د لا ودې او پراختیا په لور یو بل ګام اخلي هغه همدا راز د پستي خدمتونو رول باارزښته وباله او ویې ویل: پستي خدمتونه د ژوند په ټولو چارو په ځانګړي توګه په commerce, e - shopping e - او نورو برخو کې بنسټیز رول لوبوي

.

ښاغلي مرجان د پستي خدمتونو په برخه کې  د مخابراتو او معلوماتي ټکنالوجۍ وزارت د لاسته راوړنو په اړه معلومات ورکړل او زیاته کړه چې د مخابراتو او معلوماتي ټکنالوجۍ وزارت ، د پست نړیوالې اتحادیې د معیارونو مطابق پستي خدمتونه وړاندې کړي.

ورپسې د پستي خدمتونو د تنظیم ادارې (اپرا) رییس ښاغلي میر عبدالرحمن صدري د چټک پستي خدمتونو او اکسپو شرکت په اړه یې لنډ معلومات ورکړل، نوموړۍ زیاته کړه: د  فیدیکس نړیوال پستي خدمتونو شرکت چې د افغان اکسپرس پستي خدمتونو شرکت په مرسته د مخکیني قرارداد له مخې په هیواد کې د پستی خدمتونو چارې تر سره کولې د روان ۲۰۱۴ میلادی کال د اپریل له ۹ مې نیټې د قرارداد موده ختمه شویده لدې وروسته دغه شرکت د اکسپو چټک پستې خدمتونو شرکت له لیارې خپل فعالیتونو ته دوام ورکوي.

همدا راز د یاد شرکت رییس په افغانستان کې د نوي او عصري پستي خدمتونو د وړاندې کولو ژمنه وکړه او په ټول هیواد کې د پستي چټک خدمتونو وړاندې کولو لپاره یې تیارۍ څرګند کړ.